Monthly Archives: September 2005

Snilld!

Talandi um börn. Við höfum loksins ákveðið nafn fyrir nýjasta fjölskyldumeðliminn.

Hún heitir:

Karítas Árný Sturludóttir.

7 Comments

Filed under Uncategorized

Jóla hvað?

Það verkefni sem að kitlar mig hvað mest þessa dagana er nýjasta meistaraverk Margaret Sherry, 12 dagar jóla:

Image hosted by Photobucket.com

Mér finnst þetta bara geðveikt! Það er alltaf svo mikill húmor í myndunum hennar og ég hef séð margar svona 12 dagar jóla myndir í gegnum minn saumaferil, en þessar toppa allt. Svo litríkar, skemmtilegar og fullar af húmor!

Hér með verða fimmtudagar Margaret Sherry SAL (Stitch A Long) dagar í saumaklúbbnum Allt í Kross.

5 Comments

Filed under Uncategorized

7 Hlutir

Já, meira klukk, svo að ég hlýði. Þetta er samt öðruvísi en hitt klukkeríið.

1. 7 hlutir sem að ég vil gera áður en ég dey:

  • Sjá stelpurnar mínar verða fullorðnar
  • Læra amk eitt annað tungumál
  • Ferðast meira (Perú, Kína, Tíbet, Japan, Brasilía ofl. ofl.)
  • Læra meira
  • Tala inná teiknimynd
  • Gera myndbandið sem að er fast í hausnum á mér
  • Pressa vínber með tásunum

2. 7 hlutir sem að ég get

  • Eldað góðan mat
  • Bakað
  • Saumað út
  • Dansað
  • Snúið við á mér tungunni til beggja átta
  • Er voða góð í að skipuleggja hluti
  • Séð góðu hliðarnar á flestu

3. 7 hlutir sem að ég get ekki gert

  • Legið í leti lengi
  • Borðað flestan þorramat
  • Nagað á mér táneglurnar
  • Logið (ég er versti lygari í heimi!)
  • Hatað einhvern
  • Snert á mér tærnar þegar ég stend
  • Lamið fólk

4. 7 atriði sem að heilla mig við hitt kynið

  • Húmor
  • Bros
  • Hendur
  • Hvernig fólk hreyfir/ber sig
  • Sjálfsöryggi
  • Gáfur
  • Heiðarleiki

5. 7 frægir sem að heilla

  • Brad Pitt
  • Johnny Deep
  • Angelina Jolie
  • Ryan Gosling
  • Jennifer Connelly
  • Orlando Bloom (en bara sem Legolas)
  • Viggo Mortensen

6. 7 orð sem að ég segi oftast

  • Heyrðu!
  • Nei
  • OK
  • Sumarrós
  • Mio
  • Kríli

Ég klukka Erlu Rokk, Emmu, Ágústu, Ásdísi og svo bara gera þeir þetta sem að vilja 🙂

4 Comments

Filed under Uncategorized

Heimahjúkkan…

… frá heilsugæslunni kom hérna áðan að kíkja á Krílið. Hún dafnar vel litla gullið. Núna er hún 3950 grömm en var 3685 þegar hún var 5 daga gömul. Þyngist eðlilega og dafnar vel. Höfuðmálið er núna 37,5cm en var 36cm við fæðingu. Þannig að allt er í góðum málum í Krílalandi.

Sumarrós er ennþá heima. Er með nokkrar kommur en líður töluvert betur en í gær. Ég aftur á móti er með alveg hrikalegan hausverk :-/ Ætla að taka eina íbúfen og koma mér fyrir í sófanum með saumadótið og athuga hvort að þetta hverfi ekki bara. Og ef ég fæ Sumarrós til að leggja sig þá legg ég mig bara með henni.

Þá er það bara spurning um hvað ég eigi að sauma. Hvort að ég eigi að vinna í Leyni SAL 3, Michael Powell kofunum eða Fairy Grandmother. Úff… ákvarðanir, ákvarðanir!

3 Comments

Filed under Uncategorized

Urrrrrrrrrrrr!!!

Ég þoli ekki þegar það er illa farið með falleg lög. Sérstaklega ekki lög eins Hallelujah með Jeff Buckley.

Það var kveikt á þeim vonda þætti LAX á meðan ég var að brjóta saman þvott, setja utan um sængur og slíkt, og í bláendan kemur þetta dásamlega lag í þessum vonda þætti! Gerir mig bara reiða sko. Ef ég hef heyrt rétt, þá á móðir hans Jeff eignarétt á öllum hans verkum. Og það að hún skuli dirfast að selja lögin hans til svona notkunar er algjörlega fyrir neðan allar hellur finnst mér!

Oj hvað ég er reið útaf þessu!

Ætla að sauma það frá mér… Krílið var vakandi í rúma 4 klukkutíma og á spenanum mest allan tímann svo að ég er eiginlega ekkert búin að ná að sauma. Ætla hér með að bæta úr því. Best að stinga eins og eitt stykki hana!

2 Comments

Filed under Uncategorized

Hún Sumarrós…

… er nú meira krúttið.

Núna er hún inní herberginu sínu að hlusta á Keane og syngja með :o)

Svo fílar hún líka Depeche Mode, Björk, Sigur Rós og Jeff Buckley. Segið svo að þetta sé ekki vel upp alið hjá manni!

UFO dagur í dag. Ég er að stinga hanann sem að ég gerði í Round Robin hérna fyrir um ári (eða meira) síðan. Svo þarf ég að sauma annan hana í stykkið. Ég gat ekki tekið mynd áður en ég byrjaði því að Mio er með myndavélina með sér í vinnunni. Ég tek þá bara mynd í kvöld þegar ég hætti að sauma.

Mmmm, nammi namm. AB mjólk með ferskum jarðarberjum er alveg rosalega góð!

1 Comment

Filed under Uncategorized

Veikindi…

… hér á bæ.

Sumarrós vaknaði í morgun með hita og svo er henni eitthvað illt í mjöðminni. Skil það ekki alveg því að hún segist ekki hafa fengið neitt högg eða dottið eða neitt slíkt. En hún er samt smá hölt og á erfitt með að labba um. Virðist samt vera aðeins betra núna en þegar hún vaknaði. Vonandi lagast þetta bara að sjálfu sér í dag. En hún er ferlega slöpp litla greyið.

Krílið er nokkuð sprækt samt. Sefur bara og drekkur til skiptis. Hún var með smá pirring í öðru auganu í gær, svona stýrur og það lak aðeins úr því, en ég held að ég hafi náð því öllu í burtu með því að hreinsa augað reglulega yfir daginn með soðnu vatni. Augað lítur amk miklu betur út í dag en í gær.

Annars er ég þreytt. Sofnaði ekki fyrr en að ganga 3 í nótt og var vöknuð kl.7 í morgun með veiku stelpunni minni. Er núna búin að koma henni fyrir inní stofu og hún er að horfa á Shark Tale á meðan ég borða kornflex.

Við Mio horfðum á Crash í gærkvöldi. Hún er rosaleg. Mæli hiklaust með henni. Mæli líka með City of God fyrir þá sem að hafa ekki ennþá séð það meistaraverk. En hún var einmitt á RÚV á sunnudagskvöldið.

4 Comments

Filed under Uncategorized

Ég laug…

… í síðustu færslu!

Sorry, auðvitað finnst mér gaman að versla þrennt! Bækur, tónlist og saumadót!
Stelpurnar í saumaklúbbnum voru sko fljótar að spotta þetta og þetta leiðréttist hér með! :o)

Leave a comment

Filed under Uncategorized

Klukk, aftur!

Ég hef verið klukkuð nokkrum sinnum aftur, svo að ég hlýði bara og kem með aðrar 5 gangslausar upplýsingar um mig.

1. Ég horfi ekki mikið á sjónvarp en aftur á móti söfnum við hjónaleysin helling af skemmtiefni. Við eigum nokkrar Simpsons seríur, alla Desperate Housewifes þættina ásamt Lost, eitthvað af Twin Peaks, Sex and The City allar seríurnar, Futurama, Family Guy og fleira og fleira.

2. Þegar ég var lítil og það var sagt í veðurfréttunum að það yrði skýjað á köflum, þá hélt ég að himininn yrði köflóttur.

3. Ég trúi ekki á Guð.

4. Eitt af því skemmtilegasta sem að ég geri er að fara í leikhús. Verst hvað ég geri lítið af því en það hefur þó aukist. Enda er tengdamamma mín framkvæmdarstjóri Bandalags Íslenskra Leikfélaga og hún býður manni oft með sér í leikhús.

5. Ég þoli ekki að versla. Það er bara tvennt sem að mér finnst gaman að kaupa, og það er tónlist og bækur. Ég hata að versla föt, mat, skó og slíkt.

2 Comments

Filed under Uncategorized

Sturtan okkar…

… er besta sturta EVER!!!!!!!! Hún var vígð við formlega athöfn í fyrradag af sturtumeistaranum sjálfum. Ég vissi nú alveg að ég ætti handlaginn mann, en fyrr má nú aldeilis fyrr vera. Hann virkilega toppaði sig með þessu baðherbergi. Svo setti hann upp vaskinn í gær, smíðaði undir hann borð og svona. Ekki alveg tilbúið reyndar, en það er amk hægt að þvo sér um hendur og bursta tennur núna. Þvílíkur munur!!! En já, sturtan er geeeðveik! Langar bara að vera þar alltaf.

Ég bauð saumaklúbbnum mínum heim á morgun. Mio er að vinna í upptökum allann daginn og líklega framá kvöld svo að ég ákvað að nota tækifærið og bjóða skvísunum mínum heim. Sumarrós verður líka hérna á meðan pabbi hennar er að vinna.

Mio fór í vinnuna í dag, í fyrsta skiptið síðan Krílið fæddist. Hann ætlaði ekki að geta farið útúr dyrunum. Greyið, ég skil hann svo vel. Það er svo erfitt að fara frá þeim svona pínu litlum. En hann er búin að vera í burtu í einn og hálfan tíma og hefur ekki ennþá hringt. Ég sem að hélt að hann mundi hringja eftir hámark 20 mínútur og tékka á okkur ;o)

*YOUR BABY IS FINE* mwahahahha!!! Horfir einhver á Little Britain?

Jæja.. ætla að halda áfram að sauma í jólasokkinn hennar Sumarrósar. Er alveg dottin í það verkefni!

10 Comments

Filed under Uncategorized

Rósa mín Tom…

… eignaðist stúlku kl.7.46 í morgun. Hún var 2301gr og braggast vel en er á vöku til að byrja með. Ég óska henni og Davíð og Þorbjörgu Eyju innilega til hamingju með nýjasta fjölskyldumeðliminn.

Ég bíð bara eftir að heyra meira í henni. Veit ekkert hvernig gekk eða neitt. En hún var sett af stað fyrir tímann vegna þess að fylgjan var ekki að starfa sem skyldi og barnið var ekki að fá næga næringu. Svo að ég vona að allt sé í lagi núna. Barnið ætti að braggast betur utan móðurkviðar í þessu tilfelli.

Ég vaknaði í nótt með Krílinu og gaf henni og gat svo ekki sofnað aftur, var svo mikið að hugsa til þeirra. Það var gott að fá sms í morgun sem að lét mig vita að fæðingin væri búin. Ég veit bara að hún var lengi af stað en ekkert meir.

Leave a comment

Filed under Uncategorized

UFO dagur á miðvikudegi.

Ég kláraði UFO-inn minn í dag! Woohoo! Þetta er UFO nr.2 sem að ég klára á þessum dögum.

Image hosted by Photobucket.com

Þá er það að velja næsta UFO. Veit ekki alveg hvað það verður.

Og svo lékum við okkur með Krílið.
Hún fékk pönkara hárgreiðslu…

Image hosted by Photobucket.com

Svo er ég að bæta inn fleirri myndum hér.

10 Comments

Filed under Uncategorized

Kjötsúpa!

Við fengum okkur kjötsúpu í gær, a la mamma mín. Mikið rosalega var hún góð!!! Ég hef ekki fengið kjötsúpu í ár og aldir og borðaði gjörsamlega á mig gat! Nammi nammi namm!

Um kvöldið komu svo stelpurnar, Anna Sigga og Mónika en Guffa komst ekki því að hún var að fara til London snemma í morgun. En það var afskaplega notalegt að fá stelpurnar mínar til mín, ég er búin að sakna þeirra svolítið. Ég var nefnilega ekkert afskaplega sósíal svona í restina á meðgöngunni og var ekki mikið að fara út að hitta fólk eða bjóða fólki heim.

Svo var UFO dagur í gær og ég tek mér það leyfi að framlengja honum til dagsins í dag þar sem að ég náði ekki að vera eins dugleg og ég hafði vonað í gær.
Sá sem að var duglegastur var Mio… Hann var á fullu inná baði í gær og sturtan okkar er alveg að komast í gang! Hann á eiginlega bara eftir að setja skilrúmið á sturtubotninn og þá getum við vígt sturtuna! Mig hlakkar ekkert smá til!!!!!

2 Comments

Filed under Uncategorized

Allar mínar…

… bestu óskir og hugsanir eru hjá henni Rósu minni í dag.
Gangi ykkur sem allra allra best elskan mín. Ég er með ykkur í anda.

Leave a comment

Filed under Uncategorized

Píningar eru þetta!!!

Í dag fórum við í endurkomu á Barnaspítala Hringsins. Kríli var 3625gr þegar hún fæddist og mælist nú 3685gr! Mikil gleði þar á bæ og virðast Mjólkurbú Lindumanna starfa eins vel og mögulegt er. Sem að er auðvitað hið besta mál. Og barnalækninum leist ofsalega vel á hana og gaf henni 10 í einkunn.

Svo þegar við komum heim kom Kristín ljósmóðir og þurfti að taka blóð úr hælnum á Krílinu. Ekki varð Krílið sátt við það, en var fljót að jafna sig þegar pabbi hennar tók hana í fangið og knúsaði hana eftir átökin. Engar meiri píningar fyrr en kemur að 3ja mánaða sprautunni.

Annars er ég í leit að baði fyrir hana. Ég átti svona Tummy Tub fyrir Sumarrós, en þegar ég og pabbi hennar slitum samvistum þá varð það líklega eftir hjá honum (enda hún hætt að nota það þá) og hann veit ekkert hvar það er núna. Hefur líklegast tapast í einhverjum flutningunum.
Mig langar í svona bala aftur. Það er svo þægilegt að baða litla kroppa í þessu. Þessi böð fengust í Þumallínu, en ég var þar í dag og þau eru búin þar og hún átti ekki von á fleirrum. En ætlaði að grennslast um fyrir mig og láta mig vita ef hún gæti nálgast eitt svona handa mér einhversstaðar. Þannig að ef einhver hefur séð þetta ENDILEGA láta mig vita hvar!

6 Comments

Filed under Uncategorized