Hjúkkan…

… er komin og farin.

Karítas Árný heldur áfram að dafna vel og er núna 4250 grömm. Það er 300 gramma þyngdaraukning á viku, sem að er bara nokkuð gott! Karítas brosti og brosti allan tíman á meðan hjúkkan var hérna og hjúkkan hafði orð á því hvað þetta væri sjaldgæft að svona lítil börn brostu svona mikið. Oftast væru þessi ungbarnabros bara útaf einhverjum gasverkjum en svo var sko ekki með hana Karítas. Hún er bara einstaklega glaðvært barn.

Við foreldrarnir erum auðvitað að rifna úr stolti yfir því hvað hún er dugleg og góð. Ég mundi alveg leggjast í barnaframleiðslu ef að ég þyrfti ekki að vera ófrísk. Finnst það leiðinlegt. En aftur á móti fær maður svo ofboðslega gott í staðinn að það er alveg spurning um að leggja þetta á sig amk einu sinni í viðbót. Bara ekki strax. Ætla að njóta Karítasar og Sumarrósar í bili. Enda eru þær sko miklu meira en nóg. Maður er bara ofboðslega glaður og sáttur með sitt þessa dagana.

Núna kalla saumarnir. Ætla að sauma Leyni SAL 3 í dag. Er á viku 64 og þarf að reyna að ná stelpunum en ég var að senda út vikur 76 og 77 rétt í þessu. Spurning hvað maður verður lengi að ná að vinna þetta upp.

Eitt enn. Ef ég fæ einhvern tímann að upplifa Hrekkjavöku, þá vil ég fá að upplifa hana í Hogwarts. Helst þegar Triwizard Tournament er í gangi. Takk fyrir!

Advertisements